Скопските полицајци привеле двајца осумнаесетгодишници, кои вчеравечер во угостителски објект во скопскиот градски парк на роденденска забава запалиле огномет, соопшти МВР.
На 19.03.2025 околу 21.25 часот во СВР Скопје е пријавено дека во градскиот парк во Скопје има огномет и не се почитува одлуката на Владата за седумдневна жалост. Веднаш е постапено од страна на полициските службеници на СВР Скопје и утврдено е дека во угостителски објект во градскиот парк била организирана роденденска прослава, при што од страна на М.Ф. (18) и М.Ф. (18), двајцата од Скопје бил запален огнометот, се вели во полициската информација до јавноста.
Понатака во соопштението на МВР се вели дека двајцата се лишени од слобода и задржани во полициска станица, во врска со чл 387 од КЗ, а по документирање на случајот против нив ќе биде поднесена соодветна пријава.