Американскиот претседател Доналд Трамп во четвртокот потпиша извршен указ со кој ефективно започнува процесот на укинување на Министерството за образование, исполнувајќи го долгогодишното ветување на поддржувачите на конзервативната партија.
Овој чекор претставува исполнување на неговото предизборно ветување за елиминирање на оваа институција, која долго време беше цел на конзервативците. Трамп често го нарекуваше Министерството за образование расипничко и под влијание на либералната идеологија. Сепак, конечното укинување е веројатно невозможно без акција од Конгресот, бидејќи министерството е основано во 1979 година со акт на Конгресот.
Според Белата куќа, наредбата ќе ѝ наложи на министерката Линди Мекмахон да ги преземе сите неопходни чекори за да се овозможи затворање на Министерството за образование и враќање на образовните власти на државите, а истовремено да продолжи да обезбедува ефикасна и непречена испорака на услуги, програми и придобивки од кои зависат Американците.
Администрацијата на Трамп веќе спроведува намалување на персоналот во одделот, додека финансирањето на Канцеларијата за човекови права и Институтот за образовни науки, кои собираат податоци за академскиот напредок на земјата, се драстично намалени
Регулативата ја остава образовната политика речиси исклучиво во рацете на сојузните држави и локалните училишни одбори, што ги загрижува неолибертаријанските застапници на таквиот вид образование.
Овој потег го означува почетокот на укинување на ресорот, рече Трамп на церемонијата на потпишување во Белата куќа. За целосно затворање на ресорот е потребна одлука на Конгресот, а Трамп се чини ги нема потребните гласови за тоа, пишуваат мејнстрим медиумите кои од 2016 година водат војна против републиканецот.
„Многу едноставно, ќе го вратиме образованието во државите каде што припаѓа“, рече Трамп.
Оваа регулатива доаѓа откако минатата седмица Министерството за образование најави отпуштање на речиси половина од својот персонал. Со овој потег, Трамп, кој е на власт нешто повеќе од два месеца, продолжува со плановите за реструктуирање на американската влада и намалување на федералната бирократија со главна цел да се кастрат трошоците.
Образованието долго време е политички чувствителна тема во САД. Конзервативците поддржуваат политики за избор на училишта кои им помагаат на приватните училишта каде може да се следи нетрадиционално образовна програма, додека левичарските гласачи генерално го поддржуваат финансирањето на јавните училишта со вообичаената програма која се развива во дигитално образование.
Поделбите околу образованието во САД дополнително се продлабочија за време на пандемијата на коронавирусот, а Трамп ја искористи оваа поделба за време на неговата претседателска кампања.
Трамп рече дека сака секретарката за образование Линда Мекмахон, која присуствуваше на настанот во Белата куќа, буквално да остане без работа. Неговиот указ ја сведува улогата на министерството на основни функции, како што се управување со студентски кредити, стипендии и ресурси за деца со посебни потреби.
„Ќе го затвориме што е можно побрзо. Тоа не ни носи ништо добро“, рече Трамп.
Иако републиканците ги контролираат двата дома на Конгресот, целосното укинување на одделот ќе бара поддршка од демократите за да се достигне прагот од 60 гласа во Сенатот.
На настанот, Трамп посочи дека прашањето може да се најде пред Конгресот за гласање за целосно укинување на одделот.
Одделот за образование надгледува околу 100.000 јавни и 34.000 приватни училишта во Соединетите држави, иако повеќе од 85 отсто од финансирањето на јавните училишта доаѓа од федералните, државните и локалните буџети. Министерството, исто така, обезбедува федерални грантови за сиромашните училишта и финансира програми како што се уметничко образование, поддршка за наставници на деца со посебни потреби и реновирање на дотраената инфраструктура.
Трамп призна дека ќе му треба поддршка од пратениците и синдикатите на наставниците за да го исполни своето предизборно ветување за целосно укинување на ресорот, но тој ја нема таа поддршка.
„Се гледаме на суд“, рече Ранди Вајнгартен, шеф на Американската федерација на наставници.
„Доналд Трамп добро знае дека не може да го растури Министерството за образование без Конгресот, но разбира дека ако ги отпушти сите вработени и го уништи одвнатре, може да постигне сличен, катастрофален резултат“, изјави демократската сенаторка Пети Мареј.
