Руското Министерство за надворешни работи во саботата предупреди дека Москва го задржива правото симетрично да одговори на украинските напади врз енергетските објекти и покрај договорот постигнет седмицава меѓу рускиот претседател Владимир Путин и американскиот Доналд Трамп оваа инфраструктура да биде изземена од воени дејствија а што го прифати и Киев.
Москва го задржува правото на симетричен одговор на Киев доколку продолжи со нападите врз руската енергетска инфраструктура, изјави портпаролката на Министерството за надворешни работи Марија Захарова, во изјавата објавена на веб-страницата на руската дипломатија.
„Јасно предупредуваме дека доколку киевскиот режим продолжи со својата деструктивна линија, руската страна го задржува правото да одговори, вклучително и симетрично“, додава Захарова.
Во нејзината изјава се нагласува дека со ваквите чекори украинската страна „уште еднаш ја покажува својата целосна неспособност да преговара, како и немањето желба да се постигне мир“.
„Како и во 2022 година, повторно се користат провокации за да се наруши преговарачкиот процес“, додаде Захарова алудирајќи на поништениот договор нецел месец по почетокот од руската инвазија постигнат во Истанбул во март таа година, кога откако руските сили се повлекоа од пред украинската престолнина Киев, украинските власти се повлекоа од договорот за кој турските посредници објавија дека е веќе постигнат.
Русија изминатите денови го обвини украинските вооружени сили напаѓаат енергетски објекти за време на прекинот на огнот, што Киев го отфрлаат тврдејќи дека наводно руската страна самата го исценира. Меѓутоа, украинските воедни блогови изестуваа дека зад таквите удари стои украинската војска.
Во вторникот рускиот претседател Владимир Путин во телефонскиот разговор со неговиот американски колега Доналд Трамп, меѓу другото, се согласи на предлогот од Вашингтон завојуваните страни да се воздржат меѓусебно од напади врз објекти на енергетската инфраструктура во период од 30 дена. Веднаш потоа Москва го објави указот со кој на руската ѝ дава наредби во согласност со договорот со Трамп.
Подоцна, и украинскиот претседатело Володимир Зеленски изјави дека Украина ќе го поддржи предлогот за запирање на нападите врз енергетската инфраструктура.
Исторемено, по наредбата на Путин, руската војска ги прекина сите напади, па дури и собори седум свои беспилотни летала кои веќе летаа за да нападнат цели во регионот Николаев во Украина, изести руското Министерство за одбрана.
Меѓутоа, само неколку часа по разговорите меѓу члениците на Русија и САД, Москва го обвини Киев дека со три беспилотни летала ја нападнал нафтената пумпна станица Кавказскаја во Краснодарската област, на која се врши претовар на нафта од железничките резервоари во системот на цеководот на меѓународната компанија „Касписки цевководен Конзорциум“ (CPC) со кој се испорачува нафта од Казахстан која не е под западните санкции насочени кон Русија.
Подоцна Москва обвини и дека ноќта кон петокот, единиците на украинските вооружени сили кои се повлекоа од регионот Курск ја разнесоа мерната станица за гас градот Суџа, која беше под нивна контрола од 7 август минатата година. До почетокот на 2025 година преку овој хаб и преку гасната мрежа низ Украина се снабдуваше со гас Европа.
Како што истакна руското Министерство за одбрана, со вакви чекори украинското раководство намерно се обидува да ги наруши мировните иницијативи на американскиот претседател Трамп. Портпаролот на Кремљ, Дмитриј Песков, рече дека овие акции се „најдобар показател за недостигот од способност на режимот во Киев да преговара“.
