На валутните пазари вредноста на американскиот долар во однос на кошницата валути падна во претпладневото тргување во понеделникот, откако минатата седмица порасна за 0,4 отсто.
Индексот на доларот, кој ја искажува вредноста на американската во однос на другите шест главни светски валути, претпладнево се движи околу 104,03 поени, додека во петокот на затворањето на пазарот изнасуваше 104,15 поени.
Курсот на доларот во однос на јапонската валута се зголеми за околу 0,3 отсто, на 149,75 јени.
Но американската валута ослабе во однос на европската, за приближно 0,25 отсто, па цената на еврото достигна 1,0835 долари.
Цените на нафтата, пак, благо паднаа, по минатонеделниот раст. Цената на барелот на лондонскиот пазар претпладнево падна за 0,26 отсто, на 71,95 долари, додека на американскиот пазар барелот поевтини за 0,21 отсто, на 68,15 долари.
