Грозоморно убиство се случи утрово во Волково. Кираџија со неколку истрели го убил сопственикот на куќата во која живеел, а го повредил и малолетниот син на сопственикот, објави Плусинфо.
Според информации на порталот, непосредно по пукањето, убиецот си го одзел животот со истрел во главата.
Во очај и паника, убиецот се забарикадирал во една од собите, не дозволувајќи ѝ на полицијата да пристапи. По извесно време, со последен истрел ставил точка и на сопствениот живот.
Од Министерството за внатрешни работи повеќе детали најавија во текот на денот.
