Молдавската полиција вчера на меѓународниот аеродром во Кишињев ја приведе лидерката на проруското етничко малцинство Гагаузи, православно населени со турско потекло, во земјата по необјаснето исчезнување на двајца барани проруски пратеници.
Евгенија Гуцул, беше задржана 72 часа во главниот град, рече Ангела Старински од молдавскиот антикорупциски центар. „Мерката се презема во контекст на кривично дело“, изјави Старински за новинарите.
Гагаузија е регион со околу 140.000 жители во јужниот дел на Молдавија. Таа е населена со етничка заедница претежно од турско говорно подрачје, која го практикува православното христијанство и има тензични односи со централните власти од 1991 година откако Молдавија стана независна и мнозинството во Кишињев се приклонуваше кон спојување со Романија.
Молдавија, која во изминатите 150 години беше дел од Руската империја, „Голема Романија“ и Советскиот сојуз, сега е предводена од претседателката Маја Санду, која вети дека нејзината земја ќе стане членка на Европската унија до 2030 година. Санду ја осудува руската инвазија на соседна Украина и го обвинува Кремљ дека се обидува да ја надмине.
Наскоро се очекува Гуцул да биде осудена под обвинение за корупција и финансирање на политички блок предводен од бизнис магнатот Илан Шор. Таа беше приведена по необјаснето исчезнување минатата седмица на прорускиот парламентарец Александар Нестеровски на денот кога беше осуден на 12 години затвор под слични обвиненија за корупција. Исчезна и втората пратеничка, Ирина Лозован, која чекаше пресуда за слични обвиненија. И двајцата беа соработници на Шор, кој се надева дека ќе го искористи својот блок Победа за да обезбеди победа за проруските пратеници на парламентарните избори подоцна оваа година. Шор е обвинет од молдавските власти дека влева значителни суми во земјата за да влијае на изборите.
Стравувањата на проевропските сили во Молдавија се однесуваат на областа Приднестровје, или Трансднестрија, каде што главно живеат Руси, русофони и Украинци, која во 1990 година, пред распадот на СССР се отцепи од советската република Молдавија, стравувајќи од тенденциите во оваа земја, каде што официјален јазик е романскиот – да се присоедини кон Романија. По две години избувна кусиот судир. Во војната која избувна во овој регион во 1992 година загинаа околу 1.500 луѓе. Оттогаш, практично Приденстровје е независно иако не е признато од ниедна држава, а меѓународната заедница го смета за составен дел од Молдавија, земја со 3,5 милиони жители меѓу Романија и Украина.
Рускиот баталјон со 400 припадници беше испратен по вооружениот конфликт од 1992 година меѓу Молдавија и Приднестровје, како дел од меѓународните мировни сили, во кои беа вклучени и воени набљудувачи од Молдавија и од Украина. Генералното собрание на ОН во јуни 2018 година ја повика Русија да ги повлече своите војниди од Приднестровје, Резолуцијата ја поддржаа 64 земји, 14 беа против а 83 беа воздражани.
Парламентот во Приднестровје кон средината на април 2014 година поднесе барање до рускиот парламент и претседателот на Руската Федерација да започнат процедура за признавање на независноста. Одлуката се заснова врз резултатите од референдумот од 2006 година кога дури 97 отсто од гласачите ја поддржале независноста на Приднестровје како и барањето за присоединување кон Русија.
