Францускиот спортски весник L’Equipe објави истражување за најплатените играчи и тренери во водечките европски фудбалски клубови, а најголемите бруто плати ги имаат напаѓачот на Реал Мадрид, Килијан Мбапе, и тренерот на Атлетико Мадрид, Диего Симеоне.
Највисока месечна бруто плата во лигите на „големата петорка“ има напаѓачот на Реал Мадрид, Килијан Мбапе, кој заработува 2,67 милиони евра, следи напаѓачот на Манчестер Сити, Ерлинг Халанд, кој добива 2,57 милиони евра месечно, а трет е напаѓачот на Реал, Винисиус Жуниор, кој заработува 2,5 милиони евра.
Во Премиер лигата, Халанд го следи неговиот соиграч Кевин де Брујне (2,06), а потоа следува дефанзивецот на Манчестер Јунајтед, Бразилецот Касемиро (1,8) и напаѓачот на Ливерпул, Египќанецот Мохамед Салах (1,8).
Што се однесува до менаџерите, водечки имиња на „островот“ се Шпанците Пеп Гвардиола и Микел Артета. Шефот на Манчестер Сити наводно заработува 1,98 милиони евра месечно, додека Шпанецот на клупата на Арсенал заработува 1,48 милиони евра.
Во шпанската Примера листата ја предводат веќе споменатите Мбапе и Винисиус, а трет е полскиот репрезентативец и напаѓач на Барселона Роберт Левандовски со 2,17 милиони евра месечно. Во ТОП 5 се и играчот од средниот ред на Реал Мадрид, Џуд Белингем и голманот на Атлетико Мадрид, Јан Облак, и двајцата со месечни плати од 1,67 милиони евра.
Диего Симеоне, тренерот на Атлетико Мадрид, е далеку пред својот сосед од Реал Мадрид, Карло Анчелоти. „Ел Чоло“ месечно заработува 2,17 милиони евра, а Италијанецот 910.000 евра. Германецот Ханси Флик кој минатото лето пристигна во Барселона има месечна плата од 830.000 евра.
Во Серија А, српскиот напаѓач на Јувентус, Душан Влаховиќ го зазема првото место со проценета месечна бруто плата од 1,62 милиони евра. Зад него се двајца Аргентинци, Лаутаро Мартинез од Интер (1,39) и напаѓачот на Рома, Пауло Дибала (1,08).
Што се однесува до тренерите, Антонио Конте и Симоне Инзаги се на врвот на листата, и двајцата заработуваат по милион евра месечно, Конте во Наполи а Инзаги во Интер.
Баерн Минхен сѐ уште го држи првото место во Германија. Првите пет најплатени играчи во Бундеслигата се играчите на Баерн – Хари Кејн и Џамал Мусиала се на врвот на листата со 2,1 милиони евра бруто месечна заработка. Следни се искусните Мануел Нојер и Томас Милер, двајцата со 1,66 милиони евра, а потоа Кингсли Коман со 1,42 милиони евра.
Белгиецот Винсент Компани, кој минатото лето дојде во Баерн, е далеку пред Шпанецот Чаби Алонсо, кој го предводи Баер Леверкузен. Компани заработува 750.000 евра бруто месечно, а Алонсо 425.000 евра. Трет е Марко Роуз од РБ Лајпциг со 375.000 евра.
Со заминувањето на Мбапе во Реал Мадрид, првото место на листата на најплатени играчи во француската Лига 1 го презеде неговиот репрезентативен колега и поранешен соиграч од парискиот клуб, Усман Дембеле, кој добива 1,5 милиони евра месечно.
Зад него се клупските соиграчи Маркињос (1,12 милиони евра), Лукас Ернандез (1,1) и Ахраф Хакими и Квича Кваратшкелија со по еден милион евра месечно.
ПСЖ доминира на листата, имајќи предвид дека првите 12 места се окупирани од играчи од главниот град. Први кои не се Парижани се играчите на Марсеј, Адриен Рабио и Пјер-Емил Хојбјерг со по 500.000 евра бруто месечно.
Најголеми бруто месечни плати во Англија:
1. Халанд (Манчестер Сити) – 2,57 милиона евра
2. Кевин де Брујн (Манчестер Сити) – 2.06
3. Касемиро (Манчестер Јунајтед) – 1,8
3. Мохамед Салах (Ливерпул) – 1,8
5. Рашфорд (Астон Вила) – 1,67
Најголеми плати на тренери во Англија:
1. Пеп Гвардиола (Манчестер Сити) – 1,98 милиони евра
2. Микел Артета (Арсенал) – 1,48
3. Дејвид Мојс (Евертон) – 1,23
Најголеми бруто месечни плати во Германија:
1. Хари Кејн (Баерн), Џамал Мусиала (Баерн) – 2,1 милиони евро
3. Мануел Нојер (Баерн), Томас Мулер (Баерн) – 1,6
5. Кингсли Коман (Баерн) – 1.420.000.
Наголеми плати на тренери во Германија:
1. Винсент Компани (Баерн) – 750.000 евра.
2. Чаби Алонсо (Баер Леверкузен) – 425.000
3. Марко Роуз (РБ Лајпциг) – 375.000 евра
Најголеми бруто месечни плати во Италија:
1. Душан Влаховиќ (Јувентус) – 1,6 милиони евро
2. Лаутаро Мартинез (Интер) – 1,39
3. Пауло Дибала (Рома) – 1.08
4. Николо Барела (Интер) – 1,0
5. Хакан Чалханоглу (Интер) – 930.000
Најголеми плати на тренери во Италија:
1. Антонио Конте (Наполи) – 1,0 милиони евра
2. Симоне Инзаги (Интер) – 1,0
3. Џан Пјеро Гасперини (Аталанта) – 380.000
Најголеми бруто месечни плати во Шпанија:
1. Килијан Мбапе (Реал Мадрид) – 2,67 милиони евра
2. Винисиус (Реал Мадрид) – 2,5
3. Роберт Левандовски (Барселона) – 2,17
4. Давид Алаба (Реал Мадрид) 1,88
5. Џуд Белингем (Реал Мадрид), Јан Облак (Атлетико Мадрид) – 1,67
Најголеми плати на тренери во Шпанија
1. Диего Симеоне (Атлетико Мадрид) – 2,17 милиони евра
2. Карло Анчелоти (Реал Мадрид) – 910.000 евра
3. Ханси Флик (ФК Барселона) – 830.000 евра
Најголеми бруто месечни плати во Франција:
1. Усман Дембеле (ПСЖ) – 1,5 милијуна евро
2. Маркињос (ПСЖ) – 1.12
3. Лукас Ернандез (ПСЖ) – 1,1
4. Ахраф Хакими (ПСЖ), Квича Кваратшкелија (ПСЖ) – 1,0…