Венецуелскиот претседател Николас Мадуро оваа седмица разговарал со генералниот секретар на Обединетите нации, Антонио Гутереш и високиот комесар за човекови права Волкер Тирк за да побара поддршка од светската организација за ослободување на стотиците венецуелски мигранти депортирани од САД во озлогласениот затвор во Ел Салвадор, соопшти во петокот венецуелската влада.
Депортациите се случија во средината на март, а администрацијата на американскиот претседател Доналд Трамп во петокот побара од Врховниот суд на САД да му дозволи да користи закон од 1798 година за брзо да ги депортира осомничените членови на венецуелски банди.
Многу од мигрантските семејства негираат какви и да се врски со бандите, а владата на Венецуела вети дека ќе стори сé што може за да ги ослободи.
Мадуро разговараше со Гутереш во средата и со Турк во петокот, додаде венецуелската влада во соопштението, барајќи од ОН да го поддржат ослободувањето на мигрантите.
И двајцата „ја изразија својата посветеност за активирање на сите расположливи механизми за што поскоро повторно да биде воспоставени нарушените права на венецуелските мигранти“, стои во соопштението.
