На пазарите на валути се тргуваше претпазливо минатата седмица, бидејќи ризикот од ескалација на цаинската војна меѓу САД и другите најголеми светски економии значително се зголеми, па курсевите на валутуте не осцилираа значително.
Индексот на доларот, кој ја искажува вредноста на американската во однос на шесте главни светски валути, минатата седмиа падна за 0,1 отсто на 104,01 поен. Курсот на еврото порасна за 0,1 отсто, на 1,0827 долари. Американската валута, пак, зајакна во однос на јапонскиот јен за 0,4 отсто, па цената на доларот достигна 149,80 јени.
Курсовите на главните светски валути не флуктуираа значително минатата седмица, бидејќи инвеститорите се внимателни во врска со ризикот од ескалација на трговската војна.
На почетокот од седмицата американскиот претседател Доналд Трамп најави воведување царини од 25 отсто за увоз на сите автомобили што не се произведени во САД, кои треба да стапат на сила на почетокот на април. Ова предизвика остар пад на цените на акциите на берзите, предизвикувајќи инвеститорите да бараат засолниште за својот капитал, вклучително и во валути кои се сметаат за побезбедни во несигурни времиња.
Инвеститорите се нервозни и затоа што следната седмица Трамп ќе претстави план за воведување реципрочни царини за увоз од сите земји кои наплаќаат царини за увоз на американски производи. Бидејќи многу земји најавија контрамерки, инвеститорите стравуваат од ескалација на тарифната војна. И големото прашање е кој ќе остане „со кратки ракави“ во оваа војна.
„Слушам еден збор од сите на пазарите – неизвесност. Можете да го слушнете и од централните банкари. Она што го знаеме е дека Вашингтон ќе воведе реципрочни царини на 2 април. Но, не знаеме точно што значи тоа“, вели Марк Чендлер, стратег во Bannockburn Global Forex.
