Манчестер Сити е последниот тим што стигна до полуфиналето на најстарото фудбалско натпреварување во светото англискиот ФА Куп, победувајќи со 2:1 на гостувањето кај Борнмаут.
Откако Ерлинг Халанд промаши пенал за водство на Манчестер Сити во 14. минута, Борнмаут ја искористи предноста и поведе со голот на Еванилсон во 21. минута.
Халанд се извади за промашениот пенал во 49. минута, кога израмни на 1:1 на асистенција на Нико О’Рајли. Норвешкиот напаѓач поради повреда го напушти теренот во 61. минута, а неговата замена Омар Мармуш го одведе Сити во полуфиналето со голот во 63. минута, со уште една асистенција на О’Рајли.
Веднаш подоцна во недела беа извлечени полуфиналните двојки, а Манчестер Сити за пласман во финалето ќе игра против Нотингем Форест. Другата полуфинална двојка ја сочинуваат Кристал Палас и Астон Вила.
Двата меча ќе се играат на лондонски „Вембли“, а полуфиналните натпревари се закажани за 26 и 27 април.
