Соединетите држави во понеделникот ја критикуваа одлуката со која на лидерката на француската крајна десница Марин Ле Пен и се забранува политичка активност во следните пет години поради злоупотреба на средства доделени за нејзините помошници во Европскиот парламент.
„Мораме да сториме повеќе како Запад. Наместо само да зборуваме за демократските вредности, мораме да ги живееме“, рече портпаролката на Стејт департментот, Тами Брус.
Таа додаде дека исклучувањето на луѓето од политичкиот процес е „особено загрижувачко“.
Марин Ле Пен во понеделникот беше прогласена за виновна за злоупотреба на фондовите на ЕУ и осудена на петгодишна забрана за вршење јавна функција, што ќе ја спречи да се кандидира за претседател во 2027 година, освен ако прво не поднесе жалба на пресудата. Судиите ја осудија и Ле Пен на четири години затвор, две години условно и парична казна од 100.000 евра.
Ле Пен, самата нејзина партијата и 24 членови на партијата се обвинети дека изминатите години пренасочиле повеќе повеќе од три милиона евра од Европскиот парламент за плаќање на персонал во Франција. Тие, пак, тврдеа дека парите биле искористени легитимно и дека обвиненијата премногу тесно дефинирале што прави пратеничкиот асистент.
На пресудата преку платформата за социјалните мрежи X реагираше и синот на Трамп, Доналд Трамп Џуниор.
„Франција ја испраќа Ле Пен во затвор и ја спречува да се кандидира за претседател. Дали се обидуваат да докажат дека Џеј-Ди Венс била во право?“, напиша тој, осврнувајќи се на говорот на американскиот потпретседател на Минхенската безбедносна конференција.
Венс тогаш ги обвини европските сојузници за ограничување на слободата на говорот и демократските вредности, како и непочитување на волјата на своите граѓани, директно посочувајќи ги објавите пред изборите во Германија дека ниедна партија нема да коалицира со суверенистичката Алтернатива за Германија (AfD) која е втора по сила партија во земјата, како и поништувањето на претседателските избори во Романија на кои по првиот круг изненадувачи помина крјано десниот кандидат Калин Џорџески, кому подоцна и му беше забрането да се кандидира.
Во Франција со децении потои ткн „републикански блок“, кога на изборите на кое и да е ниво сите партии се сојузуваат против крајната десница за да ги елиминираат нивните кандидати. Меѓутоа, последните години и покрај тоа, Националниот собир (порано Наионален фронт) успеа да направи голем пробив.
Самата Ле Пен и нејзината партија Национален собир (RN) во моментов уживаат голема поддршка во истраживањата на јавното мнение во Франција. Таа во понеделникот пред судот ги обвини обвинителите дека бараат нејзина „политичка смрт“, тврдејќи дека тоа е заговор за да се спречи RN да дојде на власт.
Ле Пен ќе го задржи своето место во Националното собрание (францускиот парламент) до крајот на мандатот. Таа во моментов ја води поединечно најголема партија во парламентот.
