Цените на нафтата потонаа до 70 долари на меѓународните пазари во четвртокот, откако водечките производители изјавија дека имаат намера да им понудат на купувачите значително повеќе барели, поттикнувајќи ги стравувањата на инвеститорите дека зголемената понуда може да се совпадне со послабата побарувачка поради бранот нови царини во САД.
На лондонскиот пазар цената на барелот попладнето беше пониска за 4,85 долари во однос на затворањето на тргувањето вчера и изнесуваше 70,10 долари. На американскиот пазар барелот се тргуваше по пониска цена од 5,03 долари, од 66,68 долари.
Организацијата на земјите извозничк на нафта (OPEC) засебно објави дека барелот од нејзината барелот од референтната кошница нафта на нејзините членки во средата изнесувал 77,44 долари, приближно исто како и претходниот ден.
Американскиот претседател Доналд Трамп во средата ги објави долгоочекуваните царини кои треба да го намалат трговскиот дефицит на САД со светот и да го вратат американскиот индустриски капацитет, кој е преместен во земји со ниски трошоци за производство, како Виетнам, Камбоџа и Кина. Со тоа САД ќе воведат царини од 10 отсто за увоз од земји ширум светот, а планираат и реципрочни царини за голем број земји кои, како што наведе Трамп, имаат трговски суфицит со САД, а истовремено наплаќаат давачки за увоз на американски стоки.
Најавата ги разгоре стравувањата од трговска војна која би ја намалила економската активност и побарувачката на енергенси, објаснуваат аналитичарите, истакнувајќи дека очекуваат цените на нафтата да варираат во наредните денови бидејќи некои земји би можеле да преговараат за пониски царини со САД или да возвратат со истата мерка.
Во такви услови, во средата, аналитичарите на UBS ги намалија своите прогнози за цените на нафтата во 2025 и 2026 година за три долара, на 72 долари.
Во четвртокот, пазарите беа затечени од одлуката на Организацијата на земјите извознички на нафта и нејзините сојузници големи независни производители предводени од Русија да ги зголемат испораките. Групата од осум земји познати како OPEC+ одлучи да ја зголеми понудата за 411.000 барели дневно во мај, што е еквивалентно на износот планиран за тримесечниот период, нагласувајќи го „континуираната солидна рамнотежа меѓу понудата и побарувачката и позитивните изгледи на пазарот“, се вели во соопштението од денешниот министерски состанок.
„Царинскиот баражeн оган на Трамп ги поттикна стравувањата од рецесија и слабеење на побарувачката, а сега OPEC+ најавува дека (значително -з.р.) ќе ја зголеми понудата“, објаснува Оле Хансен од „Saxo Bank“.
Мрачното расположение доби уште потемни тонови откако најновите податоци на Министерството за енергетика покажаа скок на залихите на нафта во САД минатата седмица за цели 6,2 милиони барели. Залихите на бензин, пак, се намалени за 1,6 милиони барели.
