Менсур Пајазити (44) од Тетово, кој во септември 2022 година со својот автомобил БМВ ја прегази 22-годишната Теодора Ристевска, доби казна затвор од две години, откако на денешното рочиште во Основниот суд во Тетово ја призна вината.
Пајазити се појави пред судот, по неуспешниот обид да се одложи процесот поради здравствени причини на претходното рочиште. Според обвинението, тој се товари за кривично дело „Тешки дела против безбедноста на луѓето и имотот во сообраќајот“, за кое е предвидена казна од една до пет години затвор.
Ева Ристовска, сестра на Теодора, низ солзи, праша, како да запали свеќа на гробот на нејзината сестра и да ѝ каже да биде задоволна со казната.
„Колку вреди животот во Македонија, колку вреди животот на сестра ми? Дали може некој да ја врати нејзината младост, мојата младост? Две години го осудија човеков, што уби човек. Две години го осудија. Дали некој ќе ми објасни некој колку вреди животот на сестра ми? Со две години треба да бидеме задоволни, со две години треба да и запалам свеќа и да и речам: со две години биди задоволна, ова е законот во Македонија. Не, не може со две години. Максималната казна од пет години мене нема да ми ја врати Теодора, ќе ми ја олесни маката, ќе каже на секој еден што ќе го доживее истово, не дај Боже, дека ќе има правда. Сите веруваа во правда и јас верувам. И јас верувам дека ќе се смени оваа од две години и ќе остане барем максималната казна. Верувам силно дека Теодора нѐ гледа и плаче многу повеќе него јас. И верувам дека силата нејзина е во мене. Нема да се откажам, Теодора мора да спие мирно“, рече Ева Ристовска.
View this post on Instagram
