Денвер Нагетс поведоа со 1-0 против Лос Анџелес Клиперс во првото коло од плејофот на Западната конференција на НБА со победа од 112:110 во продолжението во првиот натпревар
Најдобар играч за Нагетс беше Никола Јокиќ со 29 поени, 12 асистенции и 9 скока, Арон Гордон додаде 25, а Џамал Мареј 21 поен. Додека Џејмс Харден постигна 32 со 11 асистенции за Клиперс, за кого Кави Ленард додаде 22, а Ивица Зубац кој сезонава игра во животна форма пружи уште една добра партија со 21 поен, 13 скокови и две асистенции.
Клиперс имаа предност во текот на целиот натпревар, се одлепија во првата четвртина, а во втората стигнаа до најголемите 15 поени разлика (49:34). Сепак, Нагетс постепено се враќаа во мечот и накратко поведоа на крајот на четвртата четвртина (93:92, а потоа 98:96). Сепак, Харден поентираше за изремнување на 98:98 и го однесе натпреварот во продолжение.
Клиперс ја пропуштија својата последна вистинска шанса да победат или да одат на второ продолжение на 10 секунди до крајот кога Харден ја загуби топката по аут при водство на Нагетс со 110:107. Потоа Јокиќ ги погоди двете слободни фрлања за 112:107, а „тројката“ на Пауел во последната секунда само го ублажи поразот.
Пласман во второто коло ќе оствари тимот којшто прв ќе оствари четири победи, а вториот натпревар повторно ќе се игра во понеделник во Денвер.
Во првиот натпревар од овогодинешниот плејоф во северноамериканската професионална кошаркарска лига НБА, Индијана Пејсерс на домашен терен убедливо ги совлада Милвоки Бакс со 117:98.
Првиот натпревар меѓу четвртата и петтата екипа во Источната конференција не понуди никаква неизвесност, домашните брзо се одлепија и до полувремето водеа со 24 поени разлика (67:43), а во третата четвртина отидоа и до 28 поени (77:49), па остатокот од натпреварот беше само формалност и одработување на мечот.
Паскал Сијакам ги предводеше Пејсерс со 25 поени, Мајлс Тарнер додаде 19, додека Јанис Адетокумбо беше единствениот расположен играч на Бакс со 36 поени и 12 скока.
Пласманот во второто коло ќе го оствари тимот што прв ќе оствари четири победи, а вториот натпревар е закажан за три дена повторно во Индијанаполис.
И минатата година во првото коло од плејофот се сретнаа Индијана и Милвоки, а поуспешна беше Индијана со вкупни 4-2.