Концентрација повисока од дозволената од оваа хемикалија е пронајдена во пластичната кукла „Маша“, сет пластични патчиња, музичка кукла, пластичната кукла диверсити фешн и во гумената играчка „бабл тојс“, сите со потекло од Кина.
Оваа хемикалија може штетно да влијае на плодноста и плодот, го нарушува хормонскиот систем, а може да предизвика и алергии.
На пазарот се пронајдени 160 парчиња, а увозниците и дистрибутерите презедоа мерки за итно повлекување на производот од промет и враќање од страна на потрошувачите.