Роднините на осумтемина убиени полицајци се појавија на денешното судење. Тие изјавија дека се приклучуваат на кривичниот прогон на обвинетите и оти во граѓанска постапка ќе бараат отштета за смртта на нивните сакани.
Како и на претходните рочишта, така и на денешното имаше силно полициско обезбедување околу судот. Продолжението на судењето за „Дива населба“ е закажано за 22 март.
Во случајот „Дива населба“ се обвинети вкупно 29 лица за тероризам и терористичко организирање за случувањата од 9 и 10 мај во кумановско. Во престрелката загинаа осум полицајци од специјалните и посебните единици на МВР, додека четириесетина беа тешко повредени. Убиени беа и десет лица од вооружената група.
