Американскиот претседател Барак Обама изјави денеска дека НАТО и понатаму е клучен за колективната одбрана на САД и Европа.
Обама рече дека со генералниот секретар на НАТО Јенс Столтенберг во Белата куќа разговарал за борбата против ИД како и за потенцијалните операции во Либија.
Столтенберг оцени дека е НАТО „важен како и секогаш“.
Американскиот претседател обрна внимание и на мигрантската криза која произлезе од граѓанската војна во Сирија. Тој рече дека мигрантите тргнуваат на мошне опасен пат и дека реакцијата мора да биде „хумана и промислена“.
Обама рече дека со Столтенберг разговарал и за Авганистан, Украина и решавањето на судирите со Русија.