Целта е да се подигне свеста и да се поттикнат активности кои ќе помогнат да се стави крај на насилството врз жените и девојчињата ширум светот. Секоја година кампањата трае 16 дена, во периодот помеѓу 25 Ноември – Меѓународниот ден за елиминација на насилството врз жените и 10 Декември – Меѓународниот ден на човековите права.
Кампањата ќе опфати повеќе активности, меѓу кои и осветлување на Скопското кале во портокалова боја, поддршка од јавни личности од различни сфери, како и повеќе дебати со средношколци и студенти низ Македонија.
На настанот со кој ќе почне кампањата ќе се обратат претставници на ОН, ОБСЕ и ЕУ во Македонија, од Владата на РМ, амбасадори, градоначалници и претставници од граѓански здруженија.
