Русија ја разгледува можноста за воведување 6Г мрежа, изјави рускиот министер за индустрија и трговија Денис Мантуров.
Мантуров изјави дека плановите за воведување на мрежата ‚6Г се во почетна фаза. Како што рече, пред тоа, неопходно е да се развие мрежа од 5Г.
Тој посочи дека плановите за мрежата 6Г се на ниво на пристапи за научно истражување што ги имаат компаниите и центрите за дизајн кои се занимаваат со ИТ производи.
Како што рече, тие очекуваат „конечни решенија“ од Министерството за дигитален развој, комуникации и медиуми за воведување на мрежата 5Г за да можат да започнат со инвестициски проекти, пренесува Спутник.
Заменик-министерот за телекомуникации на Русија, Олег Иванов, во септември минатата година изјави дека Русија треба да започне со развој на мрежата 6Г сега, без да чека за пуштање во употреба на 5Г. Тоа е неопходно, така што нема да заостанува зад другите земји кои веќе започнаа со истражување во таа област, рече тој.
