ЦУК известува дека од денеска во потрагата по исчезнатото лице од село Теново, Општина Брвеница, се вклучени 70 полициски службеници кои ќе го пребаруваат теренот кај нивите и шумата во атарот на селото. Иса Рушити бил пријавено за изчезнат на 6 август.
Ако Рушити не биде пронајден, од 14 август е планирано да се побара од ХЕЦ Маврово да го намали испуштањето на водата во реката Вардар ои што ќе се пребарува и речното корито покрај самото село.
Општина Брвеница упати благодарност до Зибер Зибери кој со градежна машина доброволно се вклучил во потрагата во водите на реката Вардар. Општината ги повика сите граѓани кои можеби имаат информации или сознание за евентуалното место на исчезнатото лице, да ги известат полициските органи во најблиската полициска станица, семејството Рушити или општината.
