Не станува збор за успех со овој предлог, тука станува збор за дипломатски нокаут и комплетна капитулација на Владата. Ако навистина беше голем успехот на Владата зошто тогаш веднаш не ги објавија документите на страната на Владата? Туку чекаа да ги имаме документите ние и откако знаеја дека ги имаме документите и дека ќе ги објавиме брзо тргнаа да ги објавуваат, вели потпретседателката на ВМРО-ДПМНЕ Гордана Димитриеска Кочоска во интервју во вестите на МТВ.
Додаде дека очигледно беше и повеќе од јасно дека нешто се крие. Се е исто, станува збор за мали и ситни корекции во зборови. Тука станува збор за многу голема капитулација на оваа власт.
„Во континуитет ги слушам како зборуваат дека најголемата придобивка било дека го зачувале македонскиот јазик. Тогаш ако го заштитиле македонскиот јазик, првото прашање би било зошто ќе поднесеме унилатерални изјави на македонската Влада и бугарската Влада?“ кажа Димитриеска Кочоска, и дополни дека тоа е уште една од многуте лаги на СДСМ дека е заштитен јазикот, а јазикот воопшто не е заштитен.
Верува дека граѓаните денес во 19:00 часот ќе излезат пред Владата за да се спротивставиме на оваа капитулација и дека Европските вредности на сите ни се јасни а тоа е разговори и преговори, а не ултиматуми и диктати.
