Директорот на ЦИА, Вилијам Брнс, се сретна со украинскиот претседател Влодимир Зеленски во вторник во Киев, објавија Вашингтон пост и АФП, цитирајќи официјален претставник.
Брнс „ја зајакна посветеноста на САД да ѝ пружи поддршка на Украина во нејзината борба против руската агресија“, изјави официјален претставник.
Во извештајот се вели дека Брнс бил безбеден во американската амбасада за време на руските ракетни напади врз украинскиот главен град.
Патувањето се случи откако шефот на ЦИА се сретна со неговиот руски колега Сергеј Наришкин во понеделникот во Анкара, Турција.
Тој пренесе „порака за последиците од употребата на нуклеарно оружје од страна на Русија и ризиците од ескалација на стратешката стабилност“, според портпаролката на Белата куќа.
Според Белата куќа, разговорите во Турција се воделе околу нуклеарното оружје и судбината на американските граѓани приведени во Русија. Не се разговарало за потенцијално мировно решение во Украина. Москва потврди дека разговорите се одржале, но не соопшти никакви детали.
Брнс се сретна со своите разузнавачки колеги во Киев, разговарајќи за предупредувањето што претходно му го упати на Наришкин за употреба на нуклеарно оружје, објави Вашингтон пост.
