„Добро е што се враќам во Киев, четврти пат од почетокот на руската инвазија. Овој пат, со својот тим комесари“, објави Фон дер Лaјен на Твитер со фотографија од дочекот на железничката станица во Киев.
Тука сме заедно за да покажеме дека ЕУ стои цврсто со Украина како и секогаш и дополнително да ја продлабочиме нашата поддршка и соработка, напиша претседателката на ЕК.
Good to be back in Kyiv, my 4th time since Russia‘s invasion.
This time, with my team of Commissioners.
We are here together to show that the EU stands by Ukraine as firmly as ever.
And to deepen further our support and cooperation. pic.twitter.com/zf8fvoNKnG
— Ursula von der Leyen (@vonderleyen) February 2, 2023
Агенцијата АФП претходно објави дека членовите на ЕК денеска ќе се сретнат со членовите на украинската влада, а Фон дер Лајен и претседателот на Европскиот совет Шарл Мишел ќе се сретнат со претседателот Володимир Зеленски на самитот ЕУ-Украина.
Дводневната посета на највисоките европски претставници уследи по најавата на украинската влада дека од Европската унија очекува насоки за почетокот на официјалните преговори за членство во ЕУ „што е можно побрзо и што поуспешно“.
Исто така, се очекува дека ЕУ ќе објави обука на дополнителни 15.000 војници како дел од тековната мисија за обука, со можни дискусии за финансиска и хуманитарна поддршка и континуирана помош за одржување на извозот на храна дури и во воени услови.
