Трет ден продолжува битката за гаснење на шумските пожари во западниот дел на областа Атика, поширокиот регион на Атина и во поширокото подрачје на Лутраки на Пелопонез, кои се уште не е ставени под контрола, јави дописничката на МИА од Атина.
Од пожарите уништени се домови и предизвикана е материјална штета, иако сè уште не е официјално познат обемот на штетата.
Портпаролот на противпожарната служба на Грција Василис Ватракојанис рано утрово информираше дека „сите сили на цивилната заштита се бореа во текот на ноќта и продолжуваат да дејствуваат на сите фронтови на пожарите“.
Во пожарот што во понеделникот започна од Дервенохорија, област на границата помеѓу регионите Виотија и Атика и се прошири во западниот дел на Атика, а сега е активен во Мандра на околу 40 километри од центарот на Атина, според Ватракојанис интервенираат копнени сили, а со разденувањето распоредени се пет авиони и осум хеликоптери, од кои еден за координација.
Fires are close to the highway towards Corinth #Greece #greecefires pic.twitter.com/GjdxfeIGHS
— pete fats (@pete_k7) July 19, 2023
Воздушни средства, односно четири авиони и три хеликоптер, заедно со копнени сили го гаснат и пожарот кај Лутраки на Пелопонез, а во тој дел, акцентот е ставен и на жариштето во близина на рафинеријата.
Портпаролот на противпожарната служба на Грција објасни дека во гаснењето на пожарите помагаат и четири авиони од Италија и Франција кои вчера попладне пристигнаа во земјата.
In Greece, firefighting efforts continue in the Athens suburbs, as several forest fires have forced villages, summer camps and nursing homes to evacuate. Parts of Greece are expected to see temperatures as high as 44 ℃ this week, threatening new wildfires. #Planetmatters pic.twitter.com/vDQgvK4HGF
— WatchTower 环球瞭望台 (@WatchTowerGW) July 19, 2023
Паралелно во Грција, од вчера попладне, активен е уште еден пожар, на островот Родос, меѓутоа, засега не претставува опасност за населените места.
Интервенираат 86 пожарникари со три пешадиски тима и 28 возила, три авиони и три хеликоптери.
