Македонскиот кошаркар Антиќ постигна десет поени во победата на Атланта над Бостон селтикс со 109:104, што беше негов прв двоцифрен учинок во оваа сезона.
Македонскиот центар на теренот мина 20 минути, а за тој период, освен десетте поени успеа да запише по три скокови и асистенции и да направи две блокади. Кајл Корвер беше најефикасен во тимот на Атланта со 24 поени, додека кај Бостон Џеф Грин броеше до 25 поени.
Најинтересниот меч од синоќешната програма се одигра во Чикаго, каде домашниот тим и Далас играа натпревар кој го добија гостите со 132:129 и тоа по две продолженија.
Монта Елис мечот го заврши со 38 поени, Парсонс имаше 24, а Дирк Новицки 22 со 10 асистенции и 7 скокови. Пау Гасол беше најефикасен во тимот на Чикаго со 29 поени и 14 скокови, Џими Батлер имаше учинок од 23 поени, 8 скокови и 7 асистенции, додека Дерик Роуз забележа дабл-дабл од 18 поени и 10 асистенции.
НБА резултати:
Кливленд – Милвоки 111:108
Атланта – Бостон 109:105
Детроит – Л.А. Лејкерс 96:106
Њујорк – Бруклин 93:98
Чикаго – Далас 129:132
Њу Орлеанс – Оклахома 112:104
Денвер – Портланд 103:105
Феникс – Индијана 116:99
Сакраменто – Торонто 109:117
Голден Стејт – Орландо 98:97
