Жена отворила денеска оган со автоматска пушта врз полициско возило на плоштадот Таксим во центарот на Истанбул, јави Анадолија, пренесе МИА
Жената по нападот го фрлила оружјето и чантата во близина на плоштадот. Засега никој не ја презеде одговорноста за нападот.
Полицијата го изолира реонот, поставувајќи огради.
Тоа е трет напад врз полицајци во Истанбул овој месец. На 1 јануари вооружен напаѓач беше приведен, откако фрли рачна граната врз полицајци кои го обезбедуваа Долмабахче во Истанбул, која пак не експлодира. Кај мажот подоцна беа откриени автоматска пушка и рачна бомба.
На 6 јануари, жена-самоубиец се разнесе пред полициска станица кај плоштадот Султанахмед – еден од најфреквентните туристички реони на Истанбул. Во терористичкиот напад беше убиен еден полицаец, а друг беше ранет.
Крајнолевичарската група Револуционерна партија и фронт за народно ослободување отпрвин презедоа одговорност и за двата терористички напади, но потоа ја повлегоа одговорноста за самоубиствениот бомбашки напад.
фото: МИА