Перо Антиќ и неговата Атланта потешко од очекувањата славеа во дуелот против Хјустон.
Иако “рокетс” на ова гостување допатуваа без своите две најголеми ѕвезди, Џејмс Харден (суспензија) и Двајт Хауард (повреда), сепак во поголем дел од мечот беа рамноправен или подобар противник.
Сепак домаќините во вториот дел направија фантастичен пресврт и успеаа да стигнат до победата.
Најефикасен кај “јастребите” беше Џеф Тиг со 25 поени, а одлични беа и Пол Милсап со дабл-дабл од 16 поени и 14 скокови како и “резервистот” Денис Шродер со 16 поени и 8 асистенции. Перо Антиќ одигра неполни 13 минути од натпреварот, реализирајќи 3 поени (1/3 за тројка), надополнети со 2 скока и 2 асистенции.
НБА Резултати:
Мемфис – Јута 82:93
Шарлот – ЛА лејкерс 104:103
Кливленд – Бостон 110:79
Њујорк – Сакраменто 86:104
Атланта – Хјустон 104:96
Чикаго – Вашингтон 97:92
Денвер – Милвоки 106:95
