Пред малку, челниците на УЕФА ги обелоденија сите детали околу ждрепката за квалификсцискиот циклус за престојното Европско првенство во Франција.
Репрезентацијата на Македонија ќе биде лоцирана во петтиот шешир и на 23 февруари ќе ги дознае своите противници.
Освен нашиот национален тим, во овој шешир ќе бидат уште репрезентациите на Исланд, Северна Ирска, Албанија, Литванија, Молдавија, Азербејџан, Грузија и Кипар.
Според претходно утврдените пропозиции, најдобрите две селекции од секоја група ќе обезбедат директен пласман на ЕП 2016, а истото важи и за најдобрата од деветте третопласирани репрезентаци.
Преостанатите осум третопласирани селекции ќе бидат дел од дополнителните бараж квалификации.
Првото коло од квалификациите за европскиот шампионат ќе стартува на 7 септември 2014 година, додека последната рунда ќе се игра од 11 до 13 октомври 2015 година. Баражите се закажани за 12-14 ноември (први натпревари) и 15-17 ноември (реванши).
ЖДРЕПКА ЗА КВАЛИФИКАЦИИ ЗА ЕП 2016
ШЕШИР 1: Шпанија, Германија, Холандија, Италија, Англија, Португалија, Грција, Русија, БиХ.
ШЕШИР 2: Украина, Хрватска, Шведска, Данска, Швајцарија, Белгија, Чешка, Унгарија, Република Ирска.
ШЕШИР 3: Србија, Турција, Словенија, Израел, Норвешка, Словачка, Романија, Австрија, Полска.
ШЕШИР 4: Црна Гора, Ерменија, Шкотска, Финска, Латвија, Велс, Бугарија, Естонија, Белорусија.
ШЕШИР 5: МАКЕДОНИЈА, Исланд, Северна Ирска, Албанија, Литванија, Молдавија, Азербејџан, Грузија, Кипар.
ШЕШИР 6: Луксембург, Казахстан, Лихтенштајн, Ф. Острови, Малта, Андора, Сан Марино, Гибралтар.
