Хрватскиот фудбалер Марио Манџукиќ беше во центарот на вниманието за време на вчерашниот меч против Реал Мадрид во ЛШ. Тој имаше навистина жестоки дуели со Дани Карвахал, а исто така, во еден момент камерите ја „уловија“ неговата нова тетоважа на грбот која е на хебрејски јазик.
Израелски новинар ја анализира неговата тетоважа и заклучи дека е напишана погрешно.
“Прво, таа е напишана наопаку, односно од лево на десно и измешан е целиот редослед на зборовите. Во слободен превод тетоважата на Манџукиќ значи “Она што нема да те убие, те прави многу посилен”, но на начинот како што е напишана таа звучи вака – “Нелисоп угонм иварп ет, еибу ет ад амен отш ано”.
