Три лица од Гевгелија добија кривична пријава бидејќи изработиле лажни возни карти на Македонски железници и истите ги продавале на мигранти.
Станува збор за Ќ.С.(44), С.В.(19) и В.М.(22), тројцата од Гевгелија.
Ќ.С. бил иницијатор и подучувач на С.В. и В.М., кои пак биле набавувачи на хартија и копир и изготвувачи на лажните билети.
Во наведениот период второ и третопријавениот откако изработиле одреден број лажни билети секојдневно му ги давале на првопријавениот да ги продава.
На 21.08.2015 година тие ги уништиле трагите и предметите со кои е извршено кривичното дело.