Група бизнисмени од турскиот град Измир денеска ја посетија општина Ѓорче Петров, каде со градоначалникот Сокол Митревски разговараа за условите за инвестирање.
Турските бизнисмени ги предводеше Имет Хочоглу, нашинец по потекло од селото Ростуше кој сака својот бизнис да го прошири и во Македонија, но воедно беше заинтересиран и за непосредна проширена средба на Македонците кои живеат во Измир, а ги има повеќе од еден милион во овој 4 милионски турски град.
На средбата беше договорено општинска делегација да го посети Измир каде би се сретнала и со градоначалникот на градот кој исто така, е заинтересиран за поблиска соработка на сите нивоа со општината Ѓорче Петров но и со градот Скопје.