Пејачот Ален Исламовиќ верува во судбина и тврди дека некој од горе следи се’ што прави. Тој се уверил во тоа кога му помогнал на едно девојче во Бихаќ, а потоа за малку ќе доживеел сообраќајна несреќа.
И’ дадов пари и неколку часа потоа тргнав за Загреб. На автопатот за миг заспав. Возев со 180 км на час и некој звук ме разбуди. Пет часа пред тоа направив добро дело, со полно срце и ми се врати така што не настрадав, вели поранешниот пејач на групите „Дивље јагоде“ и „Бело Дугме“.
Ален долги години наназад не носи синџирчиња и рачен часовник, па дури не ја носи ниту бурмата. Смета дека секое пресекување на крвотокот може да донесе болести што траат со години. Вели дека телото почнало да го предупредува на исхраната, па и на тоа внимава. Воглавно конзумира варена храна и бира здрави продукти.
