Според регионалниот весник „Дофине либере“ престрелката се случила на тротоар пред училиште во квартот Теисеир во Гренобл. Едно од лицата било убиено на место, второто во болница, додека третото потешко рането лице не е во животна опасност.
Според полициските извори станува за „пресметка“ меѓу криминални групи. Квартот каде се случи престрелката е блокиран од силите на редот и засега нема уапсени. Во септември минатата година едно лице беше убиено во престрелка меѓу две ривалски банди.