Министрите за надворешни работи на 28-те земји-членки на Европската унија на денешната седница не постигнаа согласност за либерализација на визниот режим за граѓаните на Турција, Косово, Грузија и Украина.
Ова го изјави холандскиот министер за миграција Клаас Дејкхоф, кој претседаваше со делот од состанокот, кој се однесуваше на визната либерализација.
Тој истакна дека има одреден напредок во однос на прашањето за Турција.
– Многу земји сепак гледаат проблеми во исполнувањето на критериумите за укинување на визите од страна на четирите држави, нагласи Дејкхоф.