МФ врати 25 милиони евра ликвидни средства во стопанството

МФ врати 25 милиони евра ликвидни средства во стопанството
МФ врати 25 милиони евра ликвидни средства во стопанството
На вчерашната аукција на државни хартии од вредност Министерството за финансии запиша 569 милиони денари или 9,26 милиони евра, додека неделава по основ на доспеани за враќање во стопанството ќе се вратат 2,075 милијарди денари или 33,75 милиони евра.

Министерството завчера исплати 950 милиони денари, додека денеска исплати 1,12 милијарди денари.

Од Министерството за финансии посочуваат дека со ова се намалува нето задолженоста на земјата по основ на издадени државни хартии од вредност. Исто така се ослободуваат средства кои понатаму банките можат да ги пласираат како кредити во стопанството со што се подобрува ликвидноста.