Нуркачки тим од единицата за специјални задачи „Тигар“, попладнево го пронајде автомобилот во водите на Калиманци.
Според првичните информации, во потонатиот „Форд“ на совозачкото место било пронајдено и безживотното тело на 41- годишниот Дарко С. од каменичка Дулица и истото е извадено од водите околу 17: 45 часот.
Како што претходно објавивме, вчера од водите на Калиманци беше извадено и безживотното тело на неговата сопруга, 31-годишната Тања С.
Според пријавата на мајката на починатата жена, сопружниците се расправале, по што влегле во автомобилот и заминале во непознат поравец.
Резултатите од обдукцијата извршена врз телото на Тања, покажаа дека се забележливи траги на насилство, но смртта е настаната како последица на давење од вода.
