Мотоциклист е повреден во тешка сообраќајна несреќа што денес околу пладне се случила на булеварот „Борис Трајковски“ во Кисела Вода.
Порталот „Курир“ повикувајќи се на информации од полиција пишува дека во несреќата учествувале автомобил „Сузуки Витара“ и мотор, двете со скопски регистерски ознаки.
Возачот на моторот, чиј идентитет не е познат, со повреди е пренесен во Ургентниот центар. Засега нема информации за карактерот за повредите.
Полицијата е на местото на несреќата и врши увид, по што ќе бидат познати повеќе детали.
