
Во меморандумот, којн е доставен до „Тајмс“ и во кој Би-Би-Си имаше увид се предупредува дека британската Влада работи на 500 проекти поврзани со Брегзит и оти можеби би и биле потребни 30 илјади дополнителни членови на персоналот.
– Се уште меѓутоа нема заедничка стратегија за излегување од Унијата поради поделбите во Кабинетот, се наведува во истечениот документ.
Портпаролот на британската Влада изјави дека тоа не е владин извештај и оти не ја признава содржината на тој документ, нагласувајќи дека Владата е фокусирана на активностите за реализазција на Брегзит.
Во истечениот меморандум, кој го составиил анонимен советник и кој датира од 7 ноември, се најавува дека ќе бидат потребни уште шест месеци за Владата да одлучи што точно сака да постигне со Брегзит или да се усогласи кога станува збор за приоритетите.