Вечерва во 19 часот ќе биде вклучена централната новогодишна елка која е поставена на плоштадот „Македонија“, а во 18:45 часот ќе почне пригодна програма од новогодишни песни кои ќе ги изведе хор составен од 180 ученици од повеќе средни училишта на Градот Скопје, инфомира кабинетот на скопскиот градоначалник.
Централната новогодишна елка со висина од 21 метри, и е осветлена со неколку илјади светилки и светлосни фигури, а ќе свети во различни бои.
Годинава за првпат Плоштадот ќе биде декориран и со светлосна фонтана и со светлосен тунел.
Покрај плоштадот, во поширокиот реон на централното градско јадро ќе бидат украсени и следните улици:
Булевар „Илинден“ до раскрсницата со ул. „Френклин Рузвелт“,
просторот пред Владата на Република Македонија,
ул. „Даме Груев“,
Булевар „Партизански одреди“ до раскрсницата со бул. „8 Септември“ и платото пред Универзална сала,
ул. „Димитрие Чуповски“,
ул. „11 Октомври“,
Булевар „ВМРО“,
ул. „Филип Втори“, на потегот од раскрсницата кај Специјалната болница за хируршки болести „Св. Наум Охридски“ до раскрсницата кај Т.Ц. „Мавровка“,
просторот пред Судската палата и бул. „Гоце Делчев“ од Т.Ц. „Мавровка“до Влада на Република Македонија,
Старата чаршија пред националната галерија Чифте Амам,
украсување на Паркот „Жена борец“,
украсување на просторот пред црквата „Св. Богородица“,
украсување на плоштадот „Филип Втори“, пред црквата „Св. Димитрија“,
украсување на улица „Македонија“,
Бул. „Климент Охридски“ од Влада на РМ до зградата на „Нова Македонија“,
Плоштад Пресвета Богородица,
Булевар Крсте Мисирков до крстосница со улица Цветан Димов
Булевар Христо Татарчев до крстосница со булевар Гоце Делчев, до раскрсница со улица Цветан Димов,
Булевар Александар Македонски од крстосница со улица Беласица до крстосница со улица 16 Македонска бригада.
„Декорирањето ќе го реализира фирмата „Линк Медија“ која имаше најповолна понуда на јавниот повик и за таа цел Град Скопје ќе издвои околу 12 милиони денари“, се наведува во соопштението.