Затворањето на балканската рута и натаму е од централно значење за надминување на бегалската ситуација, се наведува во соопштението на австриското Министерство за внатрешни работи.
Сакаме на балканските земји и понатаму да им бидеме доверлив партнер и ги поддржуваме да остане затворена балканската рута, истакна Соботка.
Според него, бидејќи затворањето на балканската рута е многу важно за надминување на бегалскиот предизвик, тогаш е неопходен солидарен придонес од европските земји.
