
Според анкетата на ИПИС, кај граѓаните расте довербата во ВМРО-ДПМНЕ и рејтингот на партијата е зголемен.
За изборите во декември минатата година рејтингот на ВМРО-ДПМНЕ бил 25,5 отсто, додека, според анкетата, сега изнесува 27,1 процент. СДСМ за предвремените парламентрани избори имале рејтинг од 24,4 остсто, а сега тој е 21,8 проценти. Кај сите партиите од албанскиот блог се забележува пад на рејтингот.
За ВМРО-ДПМНЕ доколку утре се одржат избори својот глас би го дале 34,3 отсто од етничките Македонци, а за СДСМ 24,3.
Намалениот рејтинг на СДСМ и албанските партии се само потврда дека граѓаните не сакаат и не го дале својот глас за постизборна платформа потпишана во соседна земја.
Само за потсетување, погледнете што се соддржи Тиранска платформа:
- Постигнување целосна рамноправност во согласност со Охридскиот договор и Уставот
– Правилно спроведување на принципот на мултиетничноста во Уставот на РМ, каде што Албанците се сметаат за државотворна нација, поддржување секаква правна и уставна иницијатива што ja засилува националната рамноправност за албанското население.
– Постигнување целосна јазична еднаквост, употребата на албанскиот јазик на сите нивоа на власта и гаранција за неговата примена како фундаментално и уставно право. Уставот на Република Македонија треба да утврди дека „македонскиот јазик и неговото кирилско писмо и албанскиот јазик со неговото писмо се официјални јазици во Република Македонија”.
– Сеопфатна дебата за знамето, химната и за државниот грб на Република Македонија, со цел државните симболи да ја рефлектираат општествената мултиетничност и етничката рамноправност.
– Усвојување резолуција во Собранието на Република Македонија со која се осудува геноцидот врз албанскиот народ во Македонија во периодот од 1912 година до 1956 година.
- Постигнување економска рамноправност и општествена благосостојба, особено преку рамномерен регионален развој
– Создавање нов механизам, во форма на една државна комисија за финансирање на општините, за донесување одлуки со право за владини грантови во корист на општините.
– Создавање министерство за политички систем и за односи меѓу заедниците, како надлежен орган за почитување на правата на заедниците и за поттикнување на економскиот и на социјалниот развој во неразвиените подрачја.
– Остварување правична застапеност во органите за безбедност, војската, разузнавањето и правдата.
– Остварување правична застапеност во сите нивоа на централната власт, како и во јавните служби или претпријатија со јавни акции.
- Засилување на владеењето на правото, како предуслов за напредок на евроатлантскиот интегративен процес
– Спроведувањето на реформите во согласност со договорот во Скопје, Препораките на Прибе, итните препораки на Европската комисија, како и препораките од пристапниот дијалог на високо ниво со ЕУ.
– Поддршка за непристрасно вршење на работата на специјалниот обвинител, без етнички и политички предрасуди.
– Целосно расчистување на прашањата и на судските постапки како „Сопот”, „Бродец”, „Монструм” и „Куманово” преку една анкетна комисија или меѓународен независен орган.
- Создавање дух на доверба во функција на добри меѓуетнички односи како суштински елемент за политичка стабилност во земјата
– Преземање афирмативни мерки за обезбедување финансирање на албанските културни институции на централно и на локално ниво.
– Создавање една централна институција за унапредување на јазиците на заедниците, која ќе обезбеди подготовка на преведувачи, уредници и на предавачи.
- Решавање на спорот за името, во согласност со европските вредности и принципите на меѓународното право
– Усвојување заедничка и обврзувачка резолуција во Собранието на Република Македонија со која Владата на Република Македонија се обврзува активно да се вклучи кон решавањето на спорот за името.
– Вклучување на Албанците во работната група за директни преговори со Грција.
- Добри односи со соседите
– Вклучување на Албанците во работната група за директни преговори со Бугарија.
– Соработка со Косово и Албанија за интегрирано гранично управување.
– Отворање на нови гранични премини.
- Брза интеграција во НАТО и во Европската унија
– Исполнувањето на наведените точки ќе го деблокира патот на Македонија кон целосна интеграција во НАТО и отворање на преговорите за членство во Европската унија.