Најмалку четири лица загинале во несреќа на товарен авион кај крајбрежјето на Брегот на Слоновата Коска, пренесува агенцијата Reuters повикувајќи се на очевидци.
Според агенцијата, спасувачите успеале да извлечат тела на двајца настрадани од трупот на авионот чиишто делови биле исфрлени на брегот. Очевидци изјавиле дека забележале уште две тела меѓу остатоците од леталото.
Подоцна министерот за внатрешни работи на Брегот на Слоновата Коска, Сидики Диакате, потврди дека во падот на авионот загинале четири лица, сите државјани на Молдавија. Покрај нив, повредени се уште шест лица, од кој двајца Молдавци и четворица Французи.
Според првичните сознанија, авионот се урнал набргу по полетувањето од аеродромот во Абиџан.
Претходно локалниот портал Koaci објави повикувајќи се на сопствени извори, дека авионот бил во сопственост на украинска воздухопловна компанија кој превезувала товар за француската војска.
Crash d’un avion en Côte d’Ivoire dans la commune de Port bouet pic.twitter.com/PnEKv7frOx
— Hervé Bley (@HerveBley) October 14, 2017
