Почна расправата на комисијата за мандатно имунитетни прашања во Собранието на која се разгледува барањето за одземањето на имунитетот на пратениците осомничени за крвавиот четврток.
Членовите на Комисијата од ВМРО-ДПМНЕ не се појавија на расправата.
Во неа членуваат и Крсто Мукоски и Јохан Тарчуловски и двајцата обвинети за настаните на 27 април.
На седницата присуствуваат мнозинството членови, со што таа може полноправно да одлучува.
Рокот за одлучување од 48 часа истекува вечерва, а потоа во рок од три дена треба да се закаже и пленарна седница на која за одземање на имунитетот на пратеник е потребно просто мнозинство односно 61 глас.