Претседателот на Собранието на Република Македонија, Талат Џафери, од понеделникот престојува во работна посета во САД, каде на покана на конгресменот Дејвид Питинџер, ќе учествува на 10-от парламентарен безбедносен разузнавачки форум, што ќе се одржи на 7-ми декември во Вашингтон.
Покрај учеството на Форумот предвидени се и средби со повеќе конгресмени и претставници од Стејт Департментот, соопшти Кабинетот на претседателот на Собранието.
