Фудбалерите на Тотенхем славеа со убедливи 5:1 на домашен терен против Стоук во 16-то коло од англиската лига со што се врати на петтото место, а Челзи беше поразен минимално на гостувањето кај слабиот Вест Хем.
Серијата на лондонските „Петли“ ја отвори гостинскиот бек Рајан Шаувкрос со автоголот во 21 минута, потоа Сон Хеинг-Мин стрелаше прецизно во 53 минута, веќе во следната минута погоди и Хари Кејн кој беше прецизен и во 65 минута, а „петката“ ја завери Кристијан Ериксен во 74 минута. За Стоук Сити за автоголот се извади Шавкрос кој погоди во 80 минута.
Тотенхем е петти со 28 бодови, а Стоук Сити е на 15-то место со 16 бодови.
Во последниот натпревар од саботната програма, Лестер славеше на гостувањето кај Њукасл Јунајтед со 2:3 во еден допадлив меч. Домашните поведоа веќе во 4 минута преку Џоселу, но гостите направија целосен пресврт со погодоците на Ријад Махрез во 20 и Демереј Греј во 60 минута. Двајт Гејл во 73 минута изедначи за Њукалс, но трагичар на мечот беше Ајоза Перез кој во 85 минута постигна автогол.
Лестер е осми со 23 бодови, додека Њукасл Јунајтед е при дното на табелата, 16-ти е со 15 бодови.
Барнли со голот на Скот Ерфилд во 45 минута го совлада Вотофорд, па оваа според играчкиот кадар скромна екипа ја забележа неочекувано веќе седмата победа годинава и е со ист број бодови како и великаните Тотенхем и Арсенал, по 28. Зад нив, на 8-то место е Вотфорд со 22 бодови.
Во дуелот на дното Кристал Палас дома не успеа да го совлада Борнмут, играа 2:2 со резултат постигнат „лудата“ завршница на првото полувреме, па уште се последен. Гостите поведоа во 10 минута преку Џермејн Дефо, а домашните изедначија од пенал преку Лука Миливојевиќ од пенал, и минути подоцна Скот Дан ги доведува во предност Кристал Палас, а Дефо изедначи во третата минута од судиското продолжение на првиот дел.
Кристал Палас останува 20-ти со 11 бодови, додека Борнмут е на 13-то место со 16 бодови.
Веднаш до Кристал Палас, на 19-то место и со 12 бодови останува Свонси Сити и покрај победата од 1:0 со голот на Вилфред Бони во 81 минута над Вест Бромвич Албион, кој е, исто така, во зоната загрозена од испаѓање – 17-ти е со 13 бодови.
Стив Муние погоди во 12 и 43 минута за домашната победа на Хадерсфилф Таун над Брајтон ен Хоув Албион.
Во првиот саботен меч Вест Хем Јунајтед ја оствари првата победа под водство на Дејвид Мојес, на лондонскиот „Олимписки стадион“ го совлада Челзи со 1:0, со голот на Марко Арнаутовиќ уште во 6 минута. За Вест Хем ова е трета победа сезона и со 13 бодови сѐ уште се во зоната за испаѓање на 17-то место.
Челзи е трет со 32 бодови, но актуелниот англиски шампион заостанува 11 бодови зад водечкиот Манчестер Сити кој во неделата го игра градското дерби со Манчестер Јунајтед кој е второпласиран со 35 бодови.
