Димитар Апасиев, доцент на Правен факултет при Универзитет „Гоце Делчев“ од Штип и член на Президиумот на партијата Левица, на својот профил на „Фејсбук“ ја критикува одлуката на Македонија да протера еден руски дипломат во знак на солидарност со Велика Британија во случајот „Скрипал“.
„Протеруваш ДИПЛОМАТ од земја која те признава под уставно име, за да ѝ угодиш на земја која не те признава ни под ‘разно’!?“, напиша Апасиев, за да се надополни со пораките со хаштаг: #КајУчевтеДипломатијаБеГревчиња, #СкандалСастав и #ВазалствоНеЗначиМеѓународнаПолитика.
Одлуката на македонското МНР е донесна по консултации со сојузници и партнери од ЕУ и НАТО.
– Министерството за надворешни работи во тесна консултација со нашите сојузници и партнери од ЕУ и НАТО и во солидарност со Обединетото Кралство на Велика Британија и Северна Ирска, одлучи да протера еден дипломат на Руската Федерација во Република Македонија заради случајот Скрипал, соопшти МНР.