Американскиот претседател Доналд Трамп ги предупреди денеска демократите од тимот кој води истрага за вмешаноста на Русија во претседателските избори дека Судот ќе ги утврди нивните “неоткриени судири на интереси“.
Тринаесет лути демократи задолжени за лов на руски вештерки почнуваат да откриваат дека постои судски систем кој ги штити луѓето од неправда … Чекајте само, судот ќе ги утврди вашите неоткриени судири на интереси! напиша Трамп денеска на својот профил на Твитер.
Американскиот претседател на социјалната мрежа, со борбен тон говореше за истрагата на специјалниот истражувач Роберт Малер за можната соработка помеѓу предизборниот тим на Трамп и Русија.
Трамп во петокот го поздрави потегот од федералниот судија кој го оспорил авторитетот на Малер во судскиот процес против поранешниот шеф на изборниот тим на Трамп, Пол Манафорт.
Инаку, Малер е републиканец, додека некои членови на неговиот истражен тим се демократи.
