Шестото издание на најголемиот планински спортски настан во регионот, Прв до врв 2018 се одржа на скопско Водно во организација на Град Скопје и Здружението за спорт и рекреација и со поддршка на деловната и општествената заедница.
И оваа година се одржаа трките во планинско трчање, планински велосипедизам, друмски велосипедизам, како и традиционалниот пикник на целта кај врвот, а по завршувањето на трките се одржа музичка програма и церемонија на прогласување на победниците.
Оваа година на трките учествуваа над 2.000 натпреварувачи со најголем број на учесници од странство до сега.