Сопружници од Скопје загинаа откако џипот во кој се возеле паднал во канал, информираше МВР.
Според полицијата, сообраќајната несреќа се случила вчера во периодот меѓу 1 и 6 часот на локалниот пат село Миладиновци- село Кадино.
Тогаш џип „гранд чироки“ што го управувал З.Д.(72) од село Долно Лисиче излетал од коловозот и падналo на покривот во одводен канал. Од добиените повреди на самото место починале З.Д. и сопатничката С.Д. (68) од Скопје. Смрт констатирал лекар од Итна медицинска помош.
По овластување на Јавен обвинител, увид на местото на настанот извршила екипа од СВР Скопје.