Разбојник се обидел да ограби колонијална продавница, вчера во скопски Карпош, информираше МВР.
Неуспешното разбојништво се случило околу 20.45 часот во продавница во близина на Драмски театар. Непознато лице со нож се обидело да ги нападне и ограби вработените, но откако не успеал во намерата побегнал во непознат правец.
Увид на местото извршила екипа од СВР Скопје. Се преземаат мерки за пронаоѓање на лицето и за целосно расчистување на настанот.